ഇര്‍ഷാദിന്റെ ഇഫ്താര്‍

ഇര്‍ഷാദും എന്റെ അയല്‍വാസിയായിരുന്നു. വലതുപക്ഷ രാഷ്ട്രീയ പാര്‍ട്ടികളില്‍ ഒന്നിലെ ഒരു പ്രമുഖ നേതാവിന്റെ ബന്ധു. ഞങ്ങള്‍ കുറച്ചു ഇടതുപക്ഷക്കാരുടെ ഇടയ്ക്കു താമസിച്ചുപോയി എന്നതൊഴിച്ച് മറ്റൊരു തെറ്റും ചെയ്തിട്ടില്ല. വിദ്യാഭ്യാസം കൊണ്ട് എന്‍ജിനീയര്‍. നല്ല മൂര്‍ച്ചയുള്ള ബുദ്ധി.
എന്താണ് കിട്ടിയതെന്കിലും, അത് കഴിച്ചു അടങ്ങി ഒതുങ്ങി ഇരിക്കുന്ന ഒരാളാണ് ഇര്‍ഷാദ്. ഭക്ഷണ കാര്യങ്ങളില്‍ യാതൊരു നിര്‍ബന്ധവുമില്ല. 
ഒരു നോമ്പ് കാലത്ത് റഷീദ് ഭായി നമ്മുടെ ഇര്‍ഷാദിനെ നോമ്പ് തുറക്കാന്‍ ക്ഷണിച്ചു. നല്ല കോഴിയിറച്ചിയും ചോറും കൊടുത്തു സല്‍ക്കരിച്ചു. ഭക്ഷണം കഴിച്ചു കഴിഞ്ഞപ്പോള്‍ ഇര്‍ഷാദിനു ഒരു സങ്കടം. റഷീദ് ഭായി നമ്മളെ വിളിച്ചു നോമ്പ് തുറപ്പിച്ചു, നമ്മള്‍ തിരിച്ചും എന്തേലും…

അപ്പൊ തോന്നിയ ആവേശത്തില്‍ ഇര്‍ഷാദ് പറഞ്ഞു. “ഭായി, നാളെ നോമ്പ് തുറ ഞമ്മടെ ബക, പിന്നെ സംഭാവായിറ്റൊന്നും ഉണ്ടാവൂല. ഞമ്മള്‍ തിന്നുന്നതൊക്കെ വെച്ച് ചെറുതായിട്ട്”. അങ്ങനെയെങ്കില്‍ അങ്ങനെ എന്ന് റഷീദ് ഭായും.

അങ്ങനെ പിറ്റേന്ന് നോമ്പ് തുറക്കാനായപ്പോള്‍ റഷീദ് ഭായി ഇര്‍ഷാദിന്റെ മുറിയിലെത്തി. ചെറിയ ഒരു മുറിയാണ്. റഷീദ് ഭായി തിരിഞ്ഞും മറിഞ്ഞും നോക്കിയിട്ടും മെഴുകുതിരി പോലെയുള്ള, ചെറിയ 5 കിലോ ഗ്യാസടുപ്പില്‍ കാര്യമായി ഒന്നും വെച്ചുണ്ടാക്കിയ ലക്ഷണമില്ല. ഭക്ഷണം ഓര്‍ഡര്‍ ആയിരിക്കും. 
ആയ ചെറിയ മുറിയില്‍ അങ്ങനെ കാര്യമായ ഭക്ഷണം ഒന്നും ഉള്ളതായും തോന്നുന്നില്ല. ഇര്‍ഷാദ് ഒന്നും കാണാതെ വിളിക്കില്ലല്ലോ, എന്തെങ്കിലും ഉണ്ടാവും. 
നോമ്പ് തുറ സമയമായി, ഇര്‍ഷാദ് ഒരു ഗ്ലാസ് വെള്ളം എടുത്തു കൊടുത്തിട്ട് പറഞ്ഞു, “ഭക്ഷണം നിസ്കരിചിട്ടാക്കാം അല്ലെ?”
റഷീദ് ഭായി തലകുലുക്കി മനസ്സില്‍ പറഞ്ഞു, “ഹാവൂ അപ്പൊ പഹയന്‍ കാര്യമായിട്ട് എന്തോ ഭക്ഷണം കരുതീട്ടുണ്ട്…

അവേശത്തോടെയുള്ള നിസ്കാരം(മുസ്ലിം പ്രാര്‍ത്ഥന). അത് കഴിഞ്ഞു ഇര്‍ഷാദ് ചോദിച്ചു. എന്നാ നോക്ക്വല്ലേ?

ആട്ടെ എന്ന് റഷീദ് ഭായി. ഗ്യാസിന്റെ പുറത്തു നിന്നും രണ്ടു ഗ്ലാസ്‌ നല്ല പലോഴിച്ച ചായ ഇര്‍ഷാദ് മേശപ്പുറത്തു വച്ച്. എന്നിട്ട് ബാഗില്‍ നിന്നും 4  പാക്കറ്റ് ബിസ്കറ്റും എടുത്തു പുറത്തു വെച്ച്. ഭായിക്ക് ഞമ്മള അത്ര ഭക്ഷണം പോര എന്ന് ഞമ്മക്കറിയാം അതോണ്ട് രണ്ടു പാക്കറ്റ് മേങ്ങീക്കുന്നു…

“ഇന്റ പഹയ ഇജ്ജൊരു പാക്കറ്റ് ബിസ്ക്കറ്റൊണ്ടാ നോമ്പ് തൊറക്കണേ? ഇജ്ജു എന്നും അബടെ ബന്നു തിന്നു പൊയ്ക്കോ മേണങ്കി”  എന്ന് റഷീദ് ഭായി പറഞ്ഞു പോയി. മൂപര്‍ക്ക് അറിയില്ലല്ലോ ഇര്‍ഷാദിന്റെ വീക്നെസ് ബിസ്കറ്റ് ആണെന്ന്!!!

Poems and articles by Dr Haroon Ashraf ©

5 comments / Add your comment below

  1. "ഇന്റ പഹയ ഇജ്ജൊരു പാക്കറ്റ് ബിസ്ക്കറ്റൊണ്ടാ നോമ്പ് തൊറക്കണേ? ഇജ്ജു എന്നും അബടെ ബന്നു തിന്നു പൊയ്ക്കോ മേണങ്കി"

  2. Kalakki mone….. i reallly enjoyed it…..priyapetta annyan fansugale…ithu njana….irshad..hehhe…..ennnaluam inte pahaya….ijjj inte biskothinodulla mohabbbath natttukkkarey muybanum areeechollodaaa muthe…ahhh randu paykket puli ( tiger) biskothh kodutheellee…athum njammmakkk peruthu ishtam ullla biskoth!!!

  3. inte maykuthiri gas adupp inn raavile theernu….innale monthikk muyvanum indaayirunnu…pakkengil inte naalu chengaayi maaru bennu….njan pinne onnum nokkeelaaa…kaaayi korre pottichu….ipravashyam goodddaay biskoth maangi…ellarkum 1/2 paykket veedham koduthu….kattan chaaaya choododey ellarum pashu kaadi kudikkina pole kudichu….nalla thriruppathi aayi mone…inte penningalk pallel indaaya party benam ennu paranja bannath ellarum….angane orre pallla nammal munthiya gooddaayyyy biskcothondum kattanchayondum nerachu…njammmala aaraa mon !

Leave a Reply